Κιττοφόρος, id est Picifer, vulgare convicium videtur in hominem infimum et despicatissimae sortis. Siquidem Demosthenes in Oratione pro Ctesiphonte dicit Aeschinem hoc nomine ab aniculis compellatum, quemadmodum et λικνοφόρον, quod picas et vannos capite bajularet. Nam his in mysteriis Bacchanalibus utebantur, quod ea avis sacra sit Baccho et vannus in omnibus mysteriis adhibebatur. Unde Maro : Et mystica vannus Iacchi.