Proverbiali nimirum hyperbole digito coelum attingere dicuntur qui longe supra mortalium conditionem ac diis proximi esse videntur. M. Tullius ad Atticum libro secundo : Nostri autem principes digito se coelum putant attingere, si mulli barbati in piscinis sint qui ad manum accedant. Cognatum illi quod alias ex eodem retulimus : In coelo esse. Ad consimilem modum Horatius :
Ovidius :Quod si me lyricis vatibus inseris,
Sublimi feriam sidera vertice.
Et apud Theocritum in Hodoeporis :Huic tu cum placeas et vertice sidera tangas.
id estὍττι ποκ ἥδη
Ἀνυσάμην τὸν ἀμνόν, ἐς οὐρανὸν ὕμμιν ἁλεῦμαι,
Lysimachus, cum ad Thraciam pervenisset, velut occupatis extremis regni finibus : Nunc, inquit, Byzantii ad me veniunt, posteaquam coelum attingo lancea. Eam vocem insolentissimam ita castigavit Pasiades Byzantius, qui tum forte aderat, ut diceret : Abeamus, ne lanceae mucro coelum pertundat.Agnum quando tuli, vobis in sidera abibo.