IV. 3. Ultra Hyperbolum. lxi

Ὑπὲρ τὸν Ὑπέρβολον, id est Vincit Hyperbolum. Hyperbolus quispiam erat mirum in modum appetens litium. Unde convenit in eos qui simili laborant morbo. Plutarchus in Vita Alcibiadis, Thucydides Peloponnesiaci belli libro VIII, et Aristophanes in Equitibus ostendit Hyperbolum fuisse hominem modis omnibus improbissimum nec ulla re clarum aut potentem nisi vitio linguae. Praeterea M. Tullius libro De claris oratoribus ita scribit de Saturnino : Homo simillimus Atheniensis Hyperboli, cujus improbitatem veteres Atticorum comoediae notaverunt. Aristophanes praeter alia scribit et hoc de Hyperbolo :

Ἄνδρα μοχθηρὸν πολίτην, ὀξίνην

Ὑπέρβολον,

id est

Improbum virum atque civem, vapam acidumque Hyperbolum.

Index Adagiorum