Τραγικὸς Θεοκρίνης, id est Tragicus Theocrines. Usurpavit hos adagium Demosthenes adversus Aeschinem. Theocrines primum tragoediarum actor fuit, deinde calumniator et sycophanta. Unde Demosthenes in Oratione pro Ctesiphonte Aeschinem tragicum Theocrinem vocat. Extat ejusdem adversus hunc Theocrinem oratio, quanquam nonnulli Dinarcho tribuunt. Usus est hoc proverbio divus Hieronymus, ni fallor, in Epistola ad Furiam de viduitate : ubicumque viderent Christianum, statim illud de trivio Τραγικὸς Θεοκρίνης. Hoc convicii faciebant in Christianum, quasi sanctimoniae simulator magnificis verbis aliorum vitam criminaretur.