IV. 3. Telenicia echo. xxxii

Τελενίκιος ἠχώ, id est Telenicia echo, recte dicetur oratio fatui. Sic enim vocant crepitum vasculorum inanium, sumpto epitheto ab eodem de quo modo diximus Telenico. Quanquam Plutarchus inter argute dicta Epaminondae meminit Tellenis cujusdam pessimi tibicinis, cui dissimillimus fuerit Antigenidas. Expendat igitur lector an ab hoc malit deductum proverbium ; etenim de Tellenis cantilenis alias nobis dictum est.

Index Adagiorum