Similem habent pertinaciae significationem : Toto corpore atque omnibus unguiculis. A feris sumpta metaphora, quae dentibus, unguibus totoque corpore retinere solent, quod nolint extorqueri. Lucianus in dialogo Diogenis et Cratetis : Τὸ δὲ χρυσίον ὀδοῦσι καὶ ὄνυξι καὶ πάσῃ μηχανῇ ἐφύλαττον, id est Caeterum aurum dentibus et unguibus atque omni ope servabant. M. Tullius libro Tusculanarum quaestionum secundo : Toto corpore atque omnibus ungulis, ut dicitur, contentioni vocis asserviunt.