Κεκύλισται ὁ πίθος, id est Revolutum est dolium. In eum qui commovetur alieno exemplo sive instinctu ad stulte quid faciendum. Nam dolium facili impulsu quo velis volvitur. At sapiens, tetragono similis, semper fixus est et immotus. Apparet esse natum ab historia de Diogene in publico civitatis tumultu volvente dolium, quam refert Lucianus libro De conscribenda historia.