IV. 2. Superatus es a gallo quopiam. lxxviii

Ἡττήθης τινὸς ἀλεκτρυόνος, id est Superatus es a gallo quopiam. Jocus proverbialis in servos qui dominos a tergo sequuntur, supplices videlicet et abjecti, cujusmodi solent esse galli superati in pugna. Nam haec avis victa silere solet, canere si vicisset, ut auctor est Cicero in Divinationibus. Addunt gallum in pugna superatum ultro sequi victorem. Sumptum est ex Aristophane, nisi me fallit memoria. Refertur ab Eudemo.

Index Adagiorum