I. 4. Omnibus nervis. xvi

Nervis omnibus Eundem habet sensum Omnibus nervis, id est summa vi summoque studio ; nam robur juxta philosophos in nervis situm. Unde et nervos intendere, expedire nervos et nervosa dicimus, quae vegeta validaque minimeque languida. Cicero ad Quintum fratrem : Sic contende omnibus nervis et facultatibus. Idem libro XV Epistolarum familiarium : Omneis tuos nervos in eo contendas. Item Verrinarum actione secunda : In quo omneis nervos aetatis industriaeque meae contenderem.

Cf. Ad. 2868

Index Adagiorum