Προδίκου σοφώτερος, id est Prodico doctior. Aiunt hunc Prodicum in dijudicandis litibus et arbitriis inter dissentientes amicos acerrimi fuisse judicii. Aristophanes in Centauro, citante Suida :
id estἘγὼ γάρ, εἴ τις ἠδίκηκε, θέλω δίκην
Δοῦναι Πρόδικον,
Subest autem allusio ad vocabulum nominis : Prodicus enim veluti praejudicatorem sonat, qui ante de lite pronuntiet quam ad judices delata sit. Fuit hujus nominis et sophista quidam, cujus meminit Plato locis aliquot.Ego namque, si quis praeter aequum fecerit,
Prodicum volo negotium cognoscere.