IV. 1Mulierem ornat silentium.xcvii
Sophocles in Ajace flagellifero :
[Ai.] id estΓυναιξὶ κόσμον ἡ σιγὴ φέρει,
Sententia proverbialis, quam Servius in primum Aeneidos citat ex Sophocle. Mulier animal natura loquax nulla re magis cohonestatur quam silentio, maxime apud viros cum de rebus seriis agitur. Sumptum est ex Homero, apud quem est non semel illud : Μῦθος δ᾿ ἄνδρεσσι μελήσει, [Od., I, ] id est Fueritque viris oratio curae. Nec divus Paulus jus facit mulieribus ut vel in ecclesia loquantur, sed Domi viros suos interrogent. [I Cor., 14, 34]Decus addit usque feminis silentium.