Κατὰ πῆχυν ἐπεδίδου, id est Juxta cubitum profecit. De eo dicebatur qui promotus esset ad meliora, sive cum quis ordine legitimo progreditur, sive cum magnis proficit accessionibus. Cubitus enim et modum significat, ut intelligas nihil transiliendum, et modum grandiusculum, ut accipias incrementum amplius. Nam minuta latis digitis aut palmorum porrectu metiri consuevimus.