Plautus in Mostellaria hornam messem proverbiali figura dixit pro maximo emolumento, quasi dicas tantum lucri quantum eo anno sit proventurum in agris. Comici verba sunt haec :
Haec dicuntur a persona puellae. Tum lena, optans ut ex ejus forma quam plurimum commodi capiatur :Jam pridem mecastor frigida non lavi magis lubenter
Nec cum me melius, mea Scapha, reres aedificatum.
Id puella quippe simplex quid sibi vellet non satis intellegens :Eventus, inquit, omnibus velut horna messis fuat.
Huic figurae confine est illud ejusdem in Curculione : Vindemia haec huic anui non satis est soli. Significat adeo bibacem ut universum vinum, quod eo sit proventurum anno, parum sit illius siti.Quid, inquit, ea messis attinet ad meam lavationem ?