Adagiorum Chiliades

IV. 1Reddidit Harpocratem.lii

Catullus in Epigrammatis proverbiali specie dixit Reddidit Harpocratem, pro eo quod est Imposuit silentium. Carmen est hujusmodi :

Gellius audierat patruum objurgare solere,

Si quis delicias diceret aut faceret.

Hoc ne ipsi accideret, patrui perdespuit ipsam

Uxorem et patruum reddidit Harpocratem.

Quod voluit fecit : nam quamvis irrumet ipsum

Nunc patruum, verbum non faciet patruus.

[Carm.] Harpocrates deus ita apud veteres fingebatur, ut digito admoto ori silentium indiceret, qualis et apud Romanos dea Angerona.