Ὀρέστῃ χλαῖναν ὑφαίνειν, id est Oresti texere laenam, dicebatur qui munus pararet abusuro ; nam Orestes per insaniam vestes dilacerabat. Est hemistichium heroici carminis decerptum ex Aristophane in Avibus :
id estΕἶτα δ᾿ Ὀρέστῃ χλαῖναν ὑφαίνειν, ἵνα μὴ ῥιγῶν ἀποδύῃ,
Scholium admonet Orestem λωποδύτην quempiam simulando insaniam in tenebris adgredi solere homines eosque vestibus spoliare ; unde non inepte dicetur ubi quis admonet dandum aliquid homini furaci, ne rapiat. Adagium non est natum ex Aristophane, sed ab illo est adfectatum ; nam hac periphrasi notat hiemem.Postea Oresti texere laenam, ut ne horridulus spoliet quem.