IV. 1. A Nannaco. xlvi

Ἀπὸ Ναννάκου, id est A Nannaco. Cum significamus rem ab extrema usque antiquitate repetitam. Nannacus rex ante Deucalionem fuisse narratur, qui diluvium futurum praeviderit ; de quo mentionem fecimus et alibi. Meminit hujus et Stephanus in dictione Ἰκόνιοι, referens alterum ab eodem ortum proverbium : Ἐπὶ Καννάκου κλαύσειν, id est Sub Cannaco flere. Etiamsi in Stephano pro Καννάκου legimus Ἀννάκου . Latini consimili figura dicunt Ab Aboriginum seculo repetita, et Perinde quasi cum Evandri matre loquaris. Non discrepat ab hoc illud Πρεσβύτερος Κόδρου καὶ Ἀρχαιότερα τῆς διφθέρας λέγεις, id est Antiquior Codro, et Antiquiora diphthera loqueris.

Index Adagiorum