Adagiorum Chiliades

IV. 1.In utrumvis dormire oculum.xliii

Plautus in Pseudolo :

De isthac re in oculum utrumvis conquiescito.

[Pseud.] Sensum habet eundem cum eo quod superius retulimus : In utramvis dormire aurem. Captatus est autem a Comico jocus ex novatione verborum. Proinde consequitur ilico : Oculum utrum anne in aurem ? Et respondet novator : At hoc pervulgatum est nimis. Notatur interim commune hominum studium in hujusmodi dictis subinde novandis.