Adagiorum Chiliades

IV. 1Eximere e manu manubrium.xxxvi

Figura proverbiali dixit Plautus : Eximere a manu manubrium, pro eo quod est : jam paranti facere quidpiam extorquere peragendi facultatem. Locus est in Aulularia :

Capio fustem, obtrunco gallum, furem manifestarium.

Credo ego edepol illi mercedem gallo pollicitos coquos,

Si id palam fecisset. Exemi ex manu manubrium.

[Aul.] Translatum ab eo cui jam vibrato gladio percussuro repente capulus excutitur e manibus.