Aperire fenestram pro eo, quod est : occasionem ac velut ansam ministrare. Terentius ἐν Ἑαυτὸν τιμωρουμένῳ :
Verum hoc non nisi in malam partem; illud etiam in bonam, Ianuam aperire Aperire januam. Plinius Suetonio Tranquillo : Atque adeo illa actio mihi aures hominum, illa januam famae patefecit. Plutarchus in libro de Osiride : Μεγάλας μὲν τῷ ἀθέῳ λεῲ κλισιάδας ἀνοίγοντας, id est Repagula aperire Magna impiae plebi repagula aperientes. Ejusdem formae et illud Ciceronis pro Planco : Quanquam qua nolui janua in causam ingressus sum. Item illa : aperire viam, praestruere viam, praecludere viam , jacere fundamenta, quorum alibi meminimus. Diverso quidem sensu philosophus quidam Cynicus dictus est θυρεπανοίκτης, quod in omnium aedes irrumperet reprehensurus si quid displiceret ; sed tamen ea vox torqueri potest ad eos, qui caeteris viam aperiunt.Hui
Quantam fenestram ad nequitiam patefeceris.