Adagiorum Chiliades

IV. 1.Habet.xxviii

Habet proverbialiter dicitur cum obtigit alicui quod expetivit aut quo dignus est. Habet quod amet. Similes habent labra lactucas. Sumptum autumant ab aucupantibus, piscantibus aut venantibus, quibus reversis sic aiunt : Ἔχεις τι; id est  : Habesne aliquid ? Citatur ex Aristophanis Nebulis. Seneca tragicus in Agamemnone : Habet, peractum est. [Ag.] Terentius in Andria :

Egomet continuo mecum : certe captus est.

Habet.

[Andr.] Donatus ostendit Proprie de gladiatoribus dici, quos prius alii vident quam ipsi se sentiant percussos. Ex ea acclamatione natum videtur proverbium.