Ἴθορος Suidas ait vocem proverbialem fuisse, in eum qui velut instigator hortatorque foret aliis. Translatum opinor a nautis, quos remigantes naucleri vox animat ad gnaviter laborandum, sive ab equorum cursu. Plutarchus in Symposiacis decade septima, problemate quinto, scribit ἱππόθορον appellatam cantionem ad incitandas equas. Consimilia tradit De praeceptis connubialibus. Nam θορεῖν Graecis est impetu insilire. Unde et apud Homerum θούριος Ἄρης appellatur ab assultu citato. Apparet Graecam vocem compositam ex ἴθι valde et ὀρεῖν incitare.