III. 10E Massilia venisti.xcix
Ἐκ Μασσαλίας ἥκεις, id est, E Massilia venisti. Suidas ait dici solitum de iis, qui cultu parum viris decoro uterentur quod Massilienses luxu perditi muliebrem ferme in modum ornarentur, comis unguento delibutis capillisque religatis. [Lex.] Huic affine, quod refert Athenaeus Dipnosophistarum libro duodecimo, Πλεύσειας εἰς Μασσαλίαν, cujus nos alibi mentionem fecimus in proverbio Naviges Massiliam, et quid super hoc sentiremus, explicuimus.