Eandem ferme sententiam Terentius simpliciter extulit in Andria :
Rursum in eadem fabula proverbium ad personam detorsit :Verum illud verbum est, vulgo quod dici solet,
Omneis sibi esse melius malle quam alteri.
Aristoteles libro Moralium Eudemiorum septimo : Δοκεῖ γὰρ ἐνίοις μάλιστα ἕκαστος αὐτὸς αὑτῷ φίλος, id est Nonnullis enim videtur quemque sibi potissimum amicum esse. Sibi quisque amicus est Item Plato libro De legibus V : Τοῦτο δὲ ἔστιν ὃ λέγουσιν, ὡς φίλος αὑτῷ πᾶς ἄνθρωπος φύσει τέ ἐστι καὶ ὀρθῶς ἔχει, id est Hoc est autem quod aiunt, ununquemque natura sibi amicum esse idque recte fieri. Quin et hodie theologorum proverbium celebratur caritatem a seipso proficisci natum videlicet ex his Cantici mystici verbis : Ordinate in me charitatem. Verum de eo quid sentiam alias ubi locus inciderit, diligentius tractabimus. Sed Terentianam sententiam Euripides extulit in Medea :Heus proximus sum egomet mihi.
id estὩς πᾶς τις αὑτὸν τοῦ πέλας μᾶλλον φιλεῖ,
Vel sic :Quod quisque semet plus amico diligit.
Rursum in Graecarum sententiarum collectaneis :Quod quisque se plus atque amicum diligit.
id estΦιλεῖ δ᾿ ἑαυτοῦ πλεῖον οὐδεὶς οὐδένα,
Nemo seipso diligit quenquam magis.