Animi praesentia utilis ubique, propterea quod timiditas vel a conscientia vel ab animi parvitate videatur proficisci. Huic sententiae suffragatur Homericum illud ex eodem libro :
id estΘαρσαλέος γὰρ ἀνὴρ ἐν πᾶσιν ἀμείνων
Ἔργοισι τελέθει, εἰ καί ποθεν ἄλλοθεν ἔλθοι,
Ad hunc modum Pallas hortatur Ulyssem, ne quid trepidet ingressurus Alcinoi domum. Huic congruit illud, quod alibi dictum est : Fortes fortuna adjuvat. T. Livius libro Ab urbe condita octavo : Sed eventus docuit fortes fortunam adjuvare.Omnibus in rebus potior vir fortis et audax,
Sit licet hospes et e longinquis venerit oris.