I. 3. Frusto panis. lxxvii

Frusto panis, pro re quantumlibet pusilla ac vili nostris quoque temporibus vulgo dictitant. M. Cato in oratione quadam M. Caelio vilitatem opprobrans non loquendi tantum, verumetiam tacendi : Frusto, inquit, panis conduci potest, vel uti taceat vel uti loquatur. Citatur locus ab A. Gellio in Noctibus Atticis. Videtur hyperbola sumpta vel a canibus, quos frusto panis invitare solemus, vel a mendicis.

Index Adagiorum