Proverbii speciem habet quod legimus in Phormione Terentiana :
Quo significatur ita tendi ad nocendum alteri, ut id cum proprio etiam periculo tentetur, animo pertinaci paratoque vel perdere vel perire. Nam gladiatori composito ad certamen haec pugnae proposita sors est aut occidere, si occupaverit aut occumbere, si cessaverit. Aristoteles audaciam hujusmodi cum propriae salutis contemptu conjunctam Celticam appellat.Hem gladiatorio animo ad me affectant viam.