Quod eodem in libro dictum est in laudem medici, idem torqueri poterit ad quemcumque virtute praestantem. Carmen est hujusmodi :
id estἸητρὸς γὰρ ἀνὴρ πολλῶν ἀντάξιος ἄλλων,
Festiviter hoc in Eryximachum torquet Alcibiades, cui jubenti negat se posse obsistere, quod vir medicus multorum instar sit. Festivius erit, si transferatur ad res animi. Veluti Plato libro De republica quarto : ἐὰν τὸ λεγόμενον ἓν μέγα φυλάττωσι, id est Si illud unum magnum quod dicitur servaverint. Indicat illud ἓν μέγα fuisse proverbiale. Vide proverbium Multa novit vulpes etc. Idem admonet elegantissima parabola Evangelica de precioso margarito et de thesauro in agro. Bona mens igitur πάντῶν ἀντάξιος ἄλλων, et eruditio et bona fama πολλῶν ἀντάξιος ἄλλων.Vir medicus multis aliis aequandus honore est.