Qui contemnet omnino quempiam ut ignavum multoque sese inferiorem, non ineleganter illud ex eodem libro detorserit, quod in Agamemnonem dixit Achilles :
id estΟὐδ᾿ ἂν ἔμοιγε Τετλαίη κύνεός περ ἐὼν εἰς ὦπα ἰδέσθαι,
Quod idem etiam hodie vulgo dictitant. Est autem indicium animi conscii, non audere recta faciem intueri ejus, quem laeseris. Hinc est, quod Menelaus in Iphigenia Aulidensi jubet inprimis, ut Agamemnon obtueatur sese, videlicet inde facti collecturus primum argumentum.Haud ille quidem ausit,
Quamvis perfricta sit fronte, mihi ora tueri.