Καρκίνον ὀρθὰ βαδίζειν διδάσκεις, id est Cancrum recte ingredi doces. De eo, qui docet indocilem. Refertur in eisdem collectaneis. Finitimum vel idem potius cum illo, quod paulo superius retulimus ex Aristophane, in proverbio Nunquam efficies. Pertinet ad genus ἀδυνάτων, Aethiopem dealbas etc. Siquidem animal hoc non ingreditur nisi obliquo corpore et in omnem partem movet gressum. Dictum putant καρκίνον quasi καράκινον, a movendo capite. Dicitur et capite gignere.