III. 7. Danace. xcvi

Δανάκη, id est danace. Sic appellabatur nummulus ille, qui Charonti persolvitur naulum pro transmissione Stygiae paludis, cujus meminit Lucianus in Charonte, Apuleius item in fabula Psyches. Refertur in collectaneis Plutarchi nec indicatur usus. Mihi videtur recte usurpandum, si quis jubeat senem parare δανάκην, innuens prope esse, ut emigret e vita. Aut si quem usqueadeo nihil reliquisse dicat, ut ne danace quidem superfuerit. In hunc sensum usurpat Juvenalis satyra tertia, qui hunc nummulum trientem vocat :

Nec sperat caenosi gurgitis alnum

Infelix nec habet, quem porrigat ore trientem.

Index Adagiorum