Adagiorum Chiliades

III. 7Ut in Velabro olearii.lxxix

Ut in velabro olearii. Proverbialis similitudo de eis, qui conspirarunt remque gerunt ex composito. Plautus in Captivi duo :

Una res,

Omneis compacto rem agunt, quasi in Velabro olearii.

[Capt.] Velabrum autem auctore Varrone locus erat Romae, quo olearii distrahebant oleum. Mos est autem huic hominum generi, ut inter se de precio conspirent, quo pluris vendant.