III. 7. Jactare jugum. lxxviii

Jactare jugum est incommode ferre servitutis necessitatem. Translatum a bubus nondum assuetis jugo. Juvenalis :

Nec jactare jugum vita didicere magistra.

Simile illi Contra stimulum calcitrare. Congeminatur enim infortunium, quod feras impatientius, minuitur animi aequitate. Quemadmodum ait Plautus :

In re mala, animo si bono utare, adjuvat.

Index Adagiorum