Manet etiam hodie vulgo tristissimum Ne gutta quidem, ὑπερβολικῶς pro minimo. Aristophanes ἐν Ἀχαρνεῦσιν :
id estΣὺ δ᾿ ἀλλά μοι σταλαγμὸν εἰρήνης ἕνα,
Idem in Vespis adsimili forma dixit : Ὕπνου οὐδὲ πασπάλην, id est Ne paspalam quidem somni. Pro eo, quod erat ne minimum quidem somni. Nam paspalam Graeci vocant minutissimam micam aeris aut farinae, quemadmodum et ante diximus. Plautus in Pseudolo :At tu mihi da pacis unam guttulam.
Nam haec plus habent veneris ad animi res translata, ut : guttam aut micam aut pilum bonae mentis non habet.Cui neque parata gutta certi consilii
Neque adeo argenti.