III. 7. Cui ista arrident, meis ne gaudeat. lxiv

Aristophanes in Nebulis :

Ὅστις οὖν τούτοισι γελᾷ, τοῖς ἐμοῖς μὴ χαιρέτω,

id est

Proinde risum cui ista pariunt, is meis ne gaudeat.

Proverbii speciem habet, quo licebit uti, cum ingens interesse discrimen significabimus inter nostras et aliorum rationes. Graecus versiculus claudicat una syllaba ; plenus erit, si pro γελᾷ legas γελάει. Contrarium huic illud Maronis :

Qui Bavium non odit, amet tua carmina, Maevi.

De iis, quae ejusdem sunt farinae et ex æquo contemnenda.

Index Adagiorum