Apud Plautum est proverbialis sententia in Truculento, tum in Asinaria :aequum est esse callidum
Quae si transferatur paulo longius, plusculum habuerit gratiae. Velut alius est pecuniae appetens, alius famae studiosus, alius voluptatum avidus, alius literarum sitiens, alius pietatem sectatur. Quisque advigilat ad id, quod expetit.Ad suum quemque quaestum aequum est esse callidum.