Γραῶν ὕθλος, id est Anicularum deliramenta. De nugis inanibus, cujusmodi solent effutire vetulae, cum jam sexus vitio vitium aetatis accedens nugacitatis morbum conduplicat. Extat proverbium apud Platonem in Theaeteto : Ταῦτα μὲν γάρ ἐστιν ὁ λεγόμενος γραῶν ὕθλος, id est Nam haec quidem sunt, quod dici solet, anicularum nugae. Itidem Cicero in oratione pro domo sua dixit Anilem superstitionem.