Λιβυκὸν θηρίον, id est Libyca bestia. Refertur a Diogeniano. Dicebatur olim in hominem vafrum, callidum, versipellem, variis moribus ancipitique ingenio. Quod genus portentum Cicero Catilinam fuisse testatur. Inde natum, quod in Libya variae ferarum species saepenumero misceantur atque ita nova quaedam hinc monstra spectaculo produci soleant, Romam a provinciae praesidibus deportata.