Καλῶς ἔστω, id est Bene sit. Ominis vox, cum quis rem quampiam novam et arduam auspicaretur, ut in testamentis praefabantur : Τοῦτο καλῶς ἔσται, id est Hoc bene erit, sed si quid acciderit humanitus. Item in contionibus : Quod faustum felixque sit. Futurum est salsius, si per ironiam proferatur de re ridicula nulliusque momenti perinde quasi maxima. Quemadmodum Persius de divite avaro cadum resignaturo : Hoc bene sit. Frequens est apud auctores Bene vertat et Male vertat. Vergilius in Bucolicis :
Et Dii bene vertant, quod agas. Servius Grammaticus existimat hanc figuram mutuo sumptam ab Hectore et Ajace, quorum utrique suum munus in perniciem cessit.Hos illi, quod nec bene vertat, mittimus haedos.