III. 6Fores aperire.lxx
Ἀνοίγειν τὴν θύραν, id est Fores aperire, proverbio dicebatur, qui rei cujuspiam ingressum initiumque patefaceret. Plinius avunculus lib. II Cap. VIII : Obliquitatem ejus intellexisse, hoc est rerum fores aperuisse Anaximander Milesius traditur. [Hist. Nat., II, 31] Indicavit hoc adagium Plutarchus in Symposiacon decade secunda : Ἔλαθες γάρ, ὦ Φίρμε, τὸν κόσμον ἀντὶ τῆς παροιμιακῆς θύρας ἐπὶ σεαυτὸν ἀνοίξας, [Symposiac., 636f] id est Imprudens, Firme, mundum pro janua proverbiali in teipsum aperuisti. Fenestram aperire in eandem sententiam est apud Terentium.