I. 3Talpa caecior.lv
Refertur a Suida ac Diogeniano : Τυφλότερος ἀσπάλακος, [Lex., 1226] [Paroem., 8, 25] id est Caecior talpa, de iis qui supra modum caecutiunt aut qui minime judicant. Nam jucundior fiet metaphora si quidem ad animum transferatur. Plinius undecimo libro scribit ex quadrupedum genere talpae visum deesse, oculorum tamen inesse effigiem, si quis praetentam detrahat membranam. Atque hinc ortum adagium. [Hist. Nat., XI, 139]