Adagiorum Chiliades

III. 6Minimo provocare.xlv

Minimo provocare est contemptim ad certamen provocare. Sumptum a gestu provocantium ad pugnam minimo dicto porrecto. Horatius in Sermonibus :

Ecce,

Crispinus minimo me provocat ; Accipe, si vis,

Accipe jam tabulas ; detur nobis locus, hora,

Custodes ; videamus, uter plus scribere possit.

[Serm., I, 4, 14] Elegantius ad res animi torquebitur. Ut unus hic grammatistes theologos omneis minimo provocat.