III. 6. Mortui non mordent. xli

Οἱ τεθνηκότες οὐ δάκνουσιν, id est Mortui non mordent. Id etiam hac tempestate vulgo dictitant. Natum arbitror ex apophthegmate Theodori Chii, qui fuit Ptolemaei regis in arte rhetorica praeceptor. Hic enim in consilium adscitus, cum deliberaretur, utrum Pompeius ab Aegypto repellendus esset an admittendus, censuit receptum occidendum addens hoc dictum : Νεκροὺς οὐ δάκνειν, id est Mortuos non mordere. Refert Plutarchus in vita Pompeii.

Index Adagiorum