Adagiorum Chiliades

III. 6Caedimus inque vicem praebemus crura sagittis.vi

Persius satyra quarta :

Caedimus inque vicem praebemus crura sagittis,

[Sat.] id est : Vicissim carpimus et carpimur, ridemur et ridemus, mordemus et mordemur, laedimus et laedimur. Sumptum a militia. Ad eundem modum Horatius : Caedimur et totidem plagis consumimus hostem. [Epist., II, 2, 97] Plutarchus in commentario De profectu cognoscendo simile adfert metaphoram de sphaera ultro citroque missa ac remissa : Καὶ πεπαύμεθα τοὺς λόγους ὥσπερ ἱμάντας ἢ σφαίρας ἐπιδούμενοι πρὸς ἀλλήλους, [Prof. Virt.] quemadmodum alio retulimus loco, proverbio Sphaeram inter se reddere.