Γραφή τε καὶ Λευκαῖος οὐ ταὐτόν, id est Scriptura et Leucaeus non sunt idem aut non conveniunt. Ubi quis aliud scribit, aliud facit aut dicit. Recte jacietur in eos, qui stare pactis nolunt. Nam haec plerumque syngraphis constant. Aut in eos, quorum vita non congruit cum libris aeditis. Versus Graecus constabit, si addas λέγει. Conjicere licet Leucaeum fuisse malae fidei scribam.