I. 3. Nec obolum habet, unde restim emat. xlviii

Obolum non habet unde restim emat Proverbialis hyperbole in eos, qui maxima rei familiaris inopia laborant. Lucianus in Timone : Χθὲς μὲν οὐδὲ ὀβολὸν ὥστε πρίασθαι βρόχον ἐσχηκότας, id est Qui pridie ne obolum quidem habebant, quo laqueum emerent. Pauperrimus autem sit oportet qui tenuitatis taedio sese laqueo praefocare velit. Porro plus quam pauperrimus videtur, cui ne nummulus quidem suppetit, ut restim emat, qua se suspendat.

Index Adagiorum