Λυδὸν εἰς πεδίον προκαλεῖς, id est Lydum in campum provocas. In eum competit, qui lacessit jandudum ad id propensum ac promptum. Notati sunt Lydi, quod ad bellum capessendum aequo propensiores essent. Herodotus libro primo docet Lydos equitatu valuisse. Proinde Croesus optat Iones equitatu venire oppugnatum Lydos. Finitimum ei, quod alibi recensuimus : Τὸν ἵππον εἰς πεδίον.