Haudquaquam alienum est a proverbiali figura, quod in Pericle scripsit Aristides, nempe Periclem oratorem reliquos in dicendo sedecim praeterisse pedibus. Λέγων, inquit, ὡς ἑκκαίδεκα μὲν ποδῶν ᾕρει τοὺς ῥήτορας ἐν τοῖς λόγοις, μόνου δὲ πειθώ τις ἐπεκάθιζεν ἐν τοῖς χείλεσι, πάντα δὲ εἶναι φλυαρίαν πρὸς ἐκεῖνον, id est Dicens illum sedecim pedibus vicisse rhetores dicendo atque in unius illius labiis insedisse suadelam quandam, caetera vero omnia nugas prae hoc fuisse. Itaque sedecim pedibus pro maximo intervallo dixit. Sumpta metaphora a stadiis cursorum. Locus autem hic de Pericle est apud Eupolin comicum in comoedia, cui titulus Δῆμοι :
id estΚράτιστος οὗτος ἐγένετ᾿ ἀνθρώπων λέγειν,
Ὁπότε παρέλθοι, ὥσπερ οἱ ἀγαθοὶ δρομεῖς
Ἑκκαίδεκα ποδῶν ᾗρε λέγων τοὺς ῥήτορας
Ταχὺς λέγειν μέν, πρὸς δὴ αὐτοῦ τῷ τάχει
Πειθώ τις ἐπεκάθιζεν ἐν τοῖς χείλεσιν,
Hos versus et Aristophanes adducit in Acharnensibus ex Demis Eupolis adjunctis his duobus :Hic inter homines plurimum unus polluit
Dicendo, quoties praeteribat, uti bonus
Agilisque cursor sedecim spacio pedum
Linquebat a se caeteros jam rhetores.
Sermone celer erat, celeritati aderat huic
Suadela quaedam illius insidens labris.
id estΟὕτως ἐκήλει, καὶ μόνος τῶν ῥητόρων
Τὸ κέντρον ἐγκατέλιπε τοῖς ἀκρωμένοις,
M. Tullius in Bruto : Quam deam, inquit, in Periclis labris scripsit Eupolis sessitavisse. Hujus immodicam eloquentiam idem taxavit in eadem comoedia :Adeo movebat atque solus rhetorum
Aculeum in animis liquit audientium.
id estἘντεῦθεν ὀργῇ Περικλέης οὑλύμπιος
Ἤστραπτ᾿, ἐβρόντα, ξυνεκύκα τὴν Ἑλλάδα,
Porro quod ad suadelam attinet, id imitatus Ennius apud Ciceronem in Catone majore M. Cethegum suadae medullam dixit. Ab hujus proverbii forma non discrepat illud Aristophanis ἐκ τῶν Νεφελῶν :Pericles at indignatus hinc Olympius
Tonat ; coruscat, miscet omnem Graeciam.
id estΤῶν Ἑλλήνων εἶναί με λέγειν ἑκατὸν σταδίοισιν ἄριστον,
Lepidius etiam erit, si pro pedibus parasangas dixeris.Ut Graiorum dicar gentem stadiis praecedere centum.