Γυμνῇ κεφαλῇ, id est Nudo capite, facere quaepiam dicuntur, qui palam ac citra pudorem omnem faciunt. Qui rem pudendam faciebant, iis mos erat centonibus caput operire. Plautus in Captivi duo :
Neque refert, utrum hic aperto an operto legas per ironiam ; nam sensus idem utriusque lectionis. Usus est hoc proverbii titulo et Cyrillus interpretans Joannis Evangelium et divus Chrysostomus in Encomio Babylae martyris. Tegit et Socrates faciem apud Platonem in Phaedro dicturus vituperationem amoris.Ipsi de foro tam aperto capite ad lenones eunt,
Quam in tribu aperto capite sontes condemnant reos.