III. 4. Hedera post anthisteria. xviii

Ἁ κισσὸς μετ᾿ Ἀνθιστήρια, id est Hedera post Anthisteria. Cum sero quippiam adhibetur. Nam hinc habent nomen, quod eo mense plurima e terra efflorescant. Apparet in iis ludis morem fuisse coronari hedera. De Anthisteriis, id est Floralibus festis, diximus in proverbio Κᾶρες θύραζε, id est Cares foras. Videntur illa fuisse, quae Latini vocant Bacchanalia. Hedera autem Baccho sacra erat, unde κιττοφόροι dicti, qui in ludis illis ferebant hederas. Convenit cum eo, quod alibi retulimus : Μετὰ τὴν ἑορτήν, id est Post festum.

Index Adagiorum