Ἐξ Ἐτεοβουταδῶν ἕλκει τὸ γένος, id est Ab Eteobutadis ducit genus. Dici solitum de iis, qui majoribus illustribus et antiqua nobilitate sunt oriundi, videlicet a Buto quopiam, qui sacerdotes Athenis instituit. Et ab hujus posteris postea summi magistratus creabantur. Venustius erit, si per ironiam sumatur in hominem obscurum aut nobilitatis et imaginum ostentatorem.